A ndi tirai sa mascherina in is aereus – po is regulas de s’unioni Europea at essi de lunis chi benit – est una libbertadi chi non pragit a medas. Poita fait pensai chisa batalla contras su Coronavirus no est ancora binta chi, invecias, est galu presenti meda e abarrat un’emergentzia po totuts.

Donant a pensai is numurus, est anai, po cussu chi s’amostat in Sardigna. In is urtimas binticuatru’oras eus tenut atrus seti mortus e 1.272 imestaus nous, ma, nova bella, calant is numurus de is uspisdalis. Su contu chi is mortus sigant a sin di pesai est acapiau a sa statistica po cussu chi narat Ferdianndu Coghe, dieretori sanitariu de s’Azienda de su’uspidali universitaria de Casteddu-Pauli e de su laboratoriu de analisi.castienduru, massimamenti fnas chi est genti chi tenit un’idadi arta meda e chi teniant atras maladias e chi iant fatu su vacinu feti in parti e non po totu. Po cussu chi pertocat su calu de is impestaus ricoveraus andat cicada sa spiegatzioni ca cun sa varianti Allfa e Delta abarraiat po dus mesis, cun Omicron prus o mancu 25-30 dis. Contant meda is vacinus, comenti de sempiri, ma is dotoris consigliant de non si ndi tirai sa mascheredda finas a  vcandu totut non siat acabbau aberu

In su fratempus in Italia eriseru funt 39.317 is impestaus nous a su Covid-19, po cussus chi at fatu sciri su ministeru de sa Saludi. Sa dì a innantis fustis a 42.249. Is mortus funt crescius de cunidixi e duncas immoi funt 130.

Su numuru de is tamponis, molecolaris e antigenicus, funt lompius a 268.654 chi s’abbasciant de cuasi trintamila castienduru sa dì prima.

In is terapias intensivas nd’agataus 334, cuatro de mancu. Imbucant in atrus tritatres e in is atrus aposentus funt 8158, 254 de mancu.

Immoi su perigulu mannu, est comenti dus annus a cust’ala, s’istadi. Ma giaia esu a binciri custa puru.

 

 

 

Màuru Mura

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

 

Foto: https://www.oaplus.it/news-generiche/covid-dal-16-maggio-in-ue-cade-lobbligo-di-mascherina-sugli-aerei/