In sa classifica italiana, sa Sardegna est a innantis feti de una po cussu chi pertocat s’economia e s’ocupatzioni. In particolari, massimamenti po su chi si fueddat de dinari: de una cica de s’Unioni Sarda, pighendu is numurus de s’Inps finas a su trinta de maju passau, benit a foras ca is trabagliadoris sardus funt is prus pagu pagaus de totu s’Italia aunia sa media est, prusu o mancu de 90 eurus. In Sardigna cust si frimat a 76,50. Andat peus feti in Campania aunia dogna trabagliadori andat a pigai 74,09. Po cumparai is cosas bastat a pensai ca in Lombardia, sa prima de sa classifica, dogna trabagliadori pigat, in media, 102,79 eurus.

Sa cica est fata in pissu de 626.224 trabagliadoris, sa metadi prus o mancu, 305.686 est rapresentada de trabagliadoris privadas cun d’unu trabagliu de trintacincu cidas s’annu e unu redditu de 4.851.286.097 eurus, duncas 74, 99 a sa dì, contras is 93, 76 de sa media natzionali.

112.469 funt is dipendentis pubricus chi trabagliant po corantatres cidas e unu redditu mediu de dogna dì de 120,51 eurus. Ci funt, de fatu is 53.146 cumerciantis chi ant decrarau unu redditu de sessantun’eurus a sa dì. Diversas funt is positzionis de is massajus (44.470) e de is artigianus (23.150). Custus urtimus e is massajus etotu chi trabagliant po contu insoru faint parti, cun is trabagliadoris de su setori domesticu, de su salariu minimu, sa chistioni chi s’est chistionendu a livellu europeu, e po su cali sa proposta est cussa de noi eurus a s’ora. Cifra custa chi dividit sempiri de prus is partis politicas.

Certu ca a biri sa terra sarda sempiri in is urtimus postus po cussu chistonis de aici bolit nai ca teneus, de sempiri, una classi politica, unu pagheddu sciolloriada e a non ce dda fairi a fairi papai totus depit ponni totus in pensamentu. Dinari, trabagliu po totus bolit nai ca s’economia andat a innantis. Aici si frimat totu.

 

 

9 de làmpadas de su 2022

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

 

Foto:  https://www.notizieitalianews.com/2019/06/soldi-soldi-soldi.html