A pustis is curpas lompias de calencunu de is politigus chi setzint in su Consigliu Regionali ocntras s’assessori a sa Sanidadi Màriu Nieddu erribat s’arrespusta de su’assessori chi chistionat de “genti chi bolit betai ludu po su chi est fendu sa Giunta Regionali”.

“De su dinari chi si fueddat – sighit a nai s’assessori- est dinari de su 2006. Funt finantziamentus chi non podint essiri perdiusa diferentzia de cussus de su Pnrr chi teniant su tempus po essiri spaciaus e chi nosu eus fatu de totu po ddu fairi, cun sa pesta a ingiriu: 270 milonis de eurus chi ias airi perdiu chi non ci ustis ponni a trabagliai comenti si depit”.

“Est de macus chi a nos incurpai est chini in tepus bonu e de pagi, no est arrennesciu o no at bofiu spaciai cussu dinari, chi, invecias, nosu eus umperai finas a s’urtimu centesimu. Propriu oi eus decidiu unu programma po intervenni de is 270 milionis de su Pnrr, dinari chi ant a portai atrus servitzius e atras cosas noas po sa Sardigna. Seus trabagliendu po scriri su benidori de sa Sardigna e nosi agataus cun genti chi bolit feti su mali de s’Isula, non po s’interessu de is sardus ma po su insoru, ponendu umbras in in su trabagliu nostu ca finas a imoi est de apretziai in totu. Totu custu sussedit in su mentris chi finas su Guvernu centrali de Roma nos battit is manus po cussu chi seus fendu po sa sanidadi: in roma seus fendu intendiri sa bogi nosta comenti mai est sussediu in is guvernus a innantis”.

Chistionendu, in segus, de su trabagliu de sa gunta Solinas non dd’as mandat a nai: “In custus annu, galu chi s’intendiat chistionai de de su su Pnrr, eus spendiu milionis e milionis de eurus po s’ediitzia e po sa modernidadi de is spidalis, ma prus che a totu nemus pensat ca eus depiu cumbatiri cun dus annus de pesta chi at frimau totut s’Italia e su mundu intreu”.

 

 

8 de arbili de su 2022

 

Màuru Mura

 

 

 

“Attività realizzata col contributo della Regione Sardegna – IMPRENTAS 2020-2021 LR 22/2018, art. 22

 

 

Foto: https://www.laprovinciadelsulcisiglesiente.com/2020/07/mario-nieddu-assessore-della-sanita-nessun-progetto-per-smantellare-i-presidi-sanitari-periferici/