Est mortu Mikhail Gorbaciov, s’urtimu capu de s’Unioni Sovietica, teniat norantun’annus.
A donai sa nova est stetiu su Central Clinical Hospital de sa Russia, aunia su Presidenti beciu d s uCremlino s’agatatiat ricoverau de tempus.
“Custu noti, a pustis una maladia legia e longa, Mikhail Sergeyevich Gorbaciov est mortu, narat sa nota difundia e torrada a portai de s’agentzia Tass.
Gorbaciov, urtimu segretariu generali de su PArtidu Comunista de s’unioni Sovietica, carriga chi at tentu de su 1985 a su 1991, fut nasciu su 2 de martzu de su 1931 in Privol’noe, logu de monti de sa Russia de giossu. Est unu chi andat arregodau po airi portau a sa fini de s’Urss e a torrai biri paris is dua s Germanias chi furint dividia de s’acabu de sa segunda guerra mondiali. Po cussu chi at fatu, massimamenti po dd’airi acabada cun sa Gherra Frida intru de is Stadus Unidus, in un 1989 iat pigau sa medaglia de Otto Hann po sa pagi e in su 1990 su Nobel po sa Pagi e totu.
Cun issu s’Urss, chi andaiat bia s’acabu de s’acordiu de Varsavia, ndi iat tirau foras sa Perestroika e sa Glasnost, est a nai una surra de riformas politicas-socialis e economicas po cicai de ponni s’Unioni Sovietica su paris de is atrus Stadus de su mundu, finas cun is relataas cun s’atra parti de su mundu, chi – comenti eus nau – non ndi ant serrau sa dissolutzioni intru s’acabbu de is annuso tanta e is primus annus noranta.
A-i custa nova, su presidenti russu Vladimir Putin at donau is passientzias suas e su Cremlino, at nau su capu russu, “at a mandai unu telegrama a is parentis e ais amigus de su mortu.
Gorbaciov at essi arregodau comenti de unu de is ominis prus famaus de su seculu passau, finas chi at tentu nemigus mannus in domu sua e totu, e beniat incurpau de essiri torpu amigu de is americanus e de totu s’Ocidenti. Non si podit nai ca non teniant arregioni e famau abarrat s’atobiu cun su Paba de tandu Giuanni Pàulu II po cicai de trabagliai a unu mundu de pagi e de spera. Non ce dd’ant fata, ca de tandu parit ca is guerras no dd’acabbant mai e sa spera de unu mundu de pagi est abarrau feti una spera in pagas personis.
Màuru Mura
Mercuris, su 31 de austu de su 2022
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22
Foto: https://www.rsi.ch/news/mondo/%C3%88-morto-Mikhail-Gorbaciov-15592255.html
