Funt bintidus is fogus chi feti in is di de eriseru ant abrugiau su sartu in Sardigna e e po seti de custus sa Forestali at umperau, in prus de is ominis a terra, finas aparechius e elicoterus.
In Sorso is pampas ant abrugiau, prus o mancu ses etarus. Funt intervennius is ominis de sa Statzioni Forestali de Tatari, agiudaus de is elicoterus lompius de is basis de su CFVA de Limbara, Bosa e Fenosu. Operativas finas duas scuadretas de s’Agentzia Forestas de is cantieris de Casteddu Sardu e Sorso, duas de sa cumpangia de is barracellus de Sorso e Sennori, una de is Vigilis de su fogu de Tatari e tres scuadras de volontarius de Tatari Misericordia e Tergu Jerico.
In Lula, in Pranu Satu Giusepu, is operatzionis funt stetias ghiadas de su personali de sa Statzioni de sa Forestali de Lula etotu, agiudadas de is elicoterus lompius de is basis de Farcana e Alà. Su fogu at picigau e abrugiau sonumancu tres etarus de prantamini.
In Machiareddu-Tanca Mossa, in Assemini, ant trabagliu a su smorimentu is ominis de sa Statzioni de sa Forestali de Uta e de su Gauf de Casteddu, cun is elicoterus lompius de is basis CFVA de Pula, Bidda de Sartu e Fenosu. Est intervennia una scuadra de s’agentzia Forestas de su cantieri de Sarroch, una de is vigili de su fogu de Casteddu e una scuadra de ominis, volontaius, de is sotzius de Cabuterra Santa Brabara. Su Fogu at caminau po, prus o mancu trinta etarus.
In Biddanoafranca, in logu “Sa Turriga, su smorimentu de su fogu est stetiu sighiu de is ominis de sa forestali de Barumini, cun is elicoterus in cielu erribaus de is basis de Fenosu, Sorgono e Marganai. Funt intervennias una scuadra de su cantieri de Baraumini, una de sa cumpangia de is barracellus de Tuili, un’atra de is Vigilis de su fogu de Mandas. Abrugiaus, prus o mancu binticincu etarus de olias.
13 de triulas de su 2022
Màuru Mura
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”
https://messina.gazzettadelsud.it/foto/cronaca/2022/07/12/messina-incendi-a-curcuraci-salice-e-ortoliuzzo-lintervento-dei-vigili-del-fuoco-foto-video-0ee07baf-2585-4cb7-970d-ce8c7754dfbc/
