“Po su tipu de partida chi bolia fairi tenia abbisongiu de giogadori comenti Luvumbo e Falco. Creu chi cun is atacantis chi nos agataus in scuadra dogna tanti ci possat essiri calencuna nova”.
Aici Mister Fabiu Liverani, de fatu de sa partida binta contras de su Brescia po 2-1.
“Eus pigau su gol de is brescianus a s’acabbu – at spiegau s’allenadori de su Casteddu – ma a parti sa bocia no eus cuncediu nudda a is aversarius, non m’arregodu de paradas de Radunovic. E eus tentu s’ocasioni de torrai a segnai cun Deiola, Millico e bolia torrai a biri s’intrada chi at fatu sa difesa lombarda in pissu de Luvumbo. Seus migliorendu meda finas comenti de conca, est una cosa de importu mannu chi si bolint binciri is partidas. Un’atra cosa chi pensu po fairi beni est comenti si difendiri. E, a parti su gol, no eus tentu perigulus mannus”.
Liverani at chistionau fintzas de Capradosssi, chi at giogau sa prima partida in custu campionau: Est intrau beni, est unu giogdori chi nos at a serbiri in sighiu”. E de is partidas chi funt lompendu una in fatu de s’atra: de Copa Italia e in segus de s’Ascoli in campionau: de cras totu si depint ponni a dispositzioni e in cunditzioni fisica po mi donai sa possibilidadi de scioberai in prus in forma. Cun su Bologna bolenus fairi una bella partida, poi de cenarba pensaus a s’Ascoli – a crarit Liverani –. Po cresciri ancora nosi serbinti is arresurtaus e s’autostima. Ma pensu chi is partidas cun su Brescia e cussa de Genova ant cunvintu sa scuarda ca si podit binciri cun chine chi siat. Erribaus de duas partidas cun scuadras chi funt prus a innantis de nosu in classifica e eus cumprendiu ca nosi da podeus giogai cun totus”.
Po Deiola, primu gol de su campionau: “Soi allirgu meda po su gol, ma prus che a totu po sa partida chi at fatu sa scuadra chi est torrada a binciri. Iaus fatu beni in Genova e boliaus custa vitoria puru”.
Màuru Mura
Martis, su 18 de Santu Gaine de su 2022
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22
Foto:https://footballnews24.it/cagliari-ufficiale-fabio-liverani-e-il-nuovo-allenatore/
