Sa de sessantases editzioni de s’Eurovision Song Contest de su Pala Olimpico de Torino, torrau a portai in Italia a pustis sa vitoria de ocannu passau de is Maneskin e amostau in direta in Rai Uno, sempiri cun sa musica in pissu de totu,  est cumentzada bnei meda torrendu gratzias a is mesuras giustas cun dixiaseti Stadus in gara. Lugis, pampas, ballerinus e un’arregodu de Pavarotti. Laur Pausini, Alisandru Cattelan is meris de domu e a ddus agiudai is fueddus de Grabrieli Corsi, Cristianu Malgioglio e Carolina Di Domenico.

Ndi bessit intru de is cartolinas de s’Italia, chi presentaiant is cantantis in gara po custus spetaculu, chi non sia de sport, prsu bidu in su mundu, finas sa meraviglia de Barumini.

“Custa ocasioni internatzionali – at nau Tonino Chironi diretori generali de su Sotziu Barumini- nos amostat non feti Barumini, ma finas Dorgali, donendu ancora una borta a sa Sardigna sa possibilidadi de ponni in campu is bellesas in d’una situatzioni de pregiu mannu”.

A s’acabbu in dexi erribant a sa finali de sabudu chi benit: Svitzera, Armenia, Islanda, Lituania, Portogallo, Norvegia, Grecia, Ucraina, Moldavia e Olanda. A pustis is saludus de is presentadoris (saludi Italia, saludi Torinu, eus abbisongiu prus chem ai de arti. Sa musica tenit su poderi de fairi intendiri paris is personis), atendiu meda fut sa truma ucraina de is Kalush, chi funt intru de is favorius po sa vitorisa. In d’un’orrogu de sa cantzoni insoru “Stefania”, narant: “Eus a torrai a agatai su caminu de domu finas chi is stradas funt totu sciasciadas”. Tottu custu in su mentris chi is bandelas grogas-asulas bessint a su celu.

Tra cussus chi bolian spantai sa Norvegia cun is Subwoolfer, cun sa faci atacada de faciolas grogas e sa Moldavia cun is pamposus Zdob si Zdub & Advahov Brothers) e invecias si cuncentrat feti in sa cantzoni comenti s’eleganti S10, olandesus, e is tres sorris islandesas Systur su spetaculu andat a innantis coidendu.

 

 

 

 

Màuru Mura

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

Foto: https://style.corriere.it/spettacoli/tv/eurovision-song-contest-2022-torino-come-vederlo-tv-streaming-scalette-biglietti-paesi/