“A is piciocus apu nau ca sa partida cun su Verona fut de su campioau beciu. Cun sa Spal ndi eus incumentzau unu nou e seus partius beni meda”. Aici Walter Zenga, a pustis de sa partida binta in Ferrara, otennia a s’urtimu gratzias a unu gol de Simeone. S’allenadori de su Casteddu chistionat puru de is ominis chi funt calaus in campu, a innanti in Verona e eriseru in Ferrara. Calencunu cambiu fut obligau, atrus no comenti cussu de Olsen cun Cragno. “Tengiu dus portieris bravus de averas. In sa partida de Verona apu chistionau cun is piciocus e ddis apu nau ca giogaiant una partida unu e una s’atru. Non arregionu mai castienduru cussu chi ant fatu a innanti ma po cussu chi serbit a sa scuadra”. “Eus incumentzaus sa partida de Verona cun Cragno, Ceppitelli e Gaston Pereiro chi in is urtimus mesis, a innanti de sa frimada de su campionau, iant giogau pagu. In allenamentu eus fatu giogai Birsa in denanti de sa difesa e imoi teneus un’arma in prus. Spereus chi totu is piciocus istint beni”, at sighiu Zenga.
Cun is tres puntus pigaus in Ferrara, imoi su Casteddu s’agatat a cuatru puntus de su Milan: “Europa League? Non di bogliu chistionai can de chi no calencunu mi narat ca soi unu paglieri. Nau feti ca nosi dda giogaus cun totus”.
Foto: https://sport.sky.it/calcio/serie-a/2020/06/23/spal-cagliari-risultato-gol
