Una partida tostada meda cussa chi sa Dinamo at bintu po 83-73 cun s’Holon. Cun custa partida binta sa scuadra sassaresa est segura de erribai sonumancu segunda in Champions. Sa partida est incumentzada cun s’arregodu de Kobe Bryant, su giogadori americanu mortu dominigu passau. Is giogadoris si funt postus sa maglia groga cun su numuru 24 de Bryant. Sa Dinamo Tv at amostau dus minutus de filmau de su giogadori, is tifosus ant apicau dus striscionis e, a pustis su minutu de arregodu, is scuadras no ant giogau is primas duas atzionis de giogu.
A pustis totu custu est incumentzada sa partida inderetura cun cursa e barra de totus. Incumentzat beni meda Evans cun duas triplas, agiudau de Pierre e Spissu. L’Holon non s’arrendit e sa prima parti acabat 43-38.
A unu certu puntu de sa partida s’Holon s’acostiat a sa Dinamo finas a essiri suta feti de unu puntu (61-60) ma in s’urtimu cuartu Gentile e Vitali serrant totu cun dus tirus de tres.
Foto: https://www.backdoorpodcast.com/sassari-vs-manresa-le-pagelle/
