S’elicoteru chi portaiat Kobe Bryant, sa figlia Gianna e atras seti personas non iat essi mai depiu partiri. Custu est cussu chi narat su primu indagu de sa National Trasportation Safety Board e de sa Fba . Dominigu passau sa nebida in is collinas de Calabasas in California ddu iat nebida aici meda chi sa politzia de su logu at depiu lassai a terra totu is aparechius, ma Kobe at pigau su permissu lamau “Special Visula Flight Rules” po andai a sa Mamba Sports Academy aunia si depiat giogai una partida de sa scuadra de sa figlia.

In pissu de s’elicoteru ddue fut Kobe, sa figlia de tregi annus, s’allenadori de s’Orange Coast College de baseball John Altobelli, sa figlia Ayssa e sa pobidda Keri. Gianna cun Alyssa furint cumpangias de scuadra.

In s’ora sa scuadra de is Lakers, aunia Bryant at giogau, ant suspendiu sa partida chi depiant giogia oi cun is Clippers. In is social non si contant is messagius po su giogadori e tra totus fait apilurtzai cussu de s’amigu, e collega, Lebron James: “Non soi prontu ma ci provu. Soi innoi setziu chi cicu de scriri calencuna cosa ma comenti ci provu mi nci scapat su prantu candu pensu a tui e sa ‘nebodedda’ mia Gigi. Apu intendiu sa bogi tua dominigu a mengianu prima de partiri a Philadelphia, no iari mai nau ca fut s’urtima borta chi t’intendia. T’impromintu ca ap’a portai a innanti s’eredidai tua e donamì sa fortza de sighiri a biviri”.

 

 

Foto: https://www.caffeinamagazine.it/sport-2/408122-kobe-bryant-cause-incidente/