Oi torrat a oberri calencuna scola paritaria in Sardigna. Dognuna de custas fait comenti bolit po erriciri is discentis: finas chi no est obrigu, totus misurant sa caglientura a innanti de intrai; est obrigu, invecias, s’umperu de sa mascheredda po is pipius de ses annus in sus candu andant de una parti a un’atra (in is scalas po bessiri in is aposentus o intru de mesu de sa ricreatzioni) e ant torrau a biri comenti ponni is banghitus. Chini podit umperat finas is spatzius de foras.

Professoris, bidellus e s’atra genti chi ddue trabagliat ant fatu is test po biri chi funt stetius impestaus. S’idea est cussa de ddus torrai a fairi dogna tanti.

In Sardigna sa campana at a sonai po totus su 22 de cabidanni, su 23 in is scolas aunia s’at a votai po su Referendum. Si cumprendit giai, imoi ca ci bolit pagu, ca ant a mancai medas professoris. Po sa Cisl comenti incumentzant is scolas nd’ant a mancai 2000.

 

Foto: http://www.strettoweb.com/2019/07/inizio-fine-scuola-calendario-2019-2020/871426/