Ndi furaiat is bancomat a is malaidus chi funt prus mortus che bius, ddu at fatu finas cun d’una femina morta de pagu. Una femina de cincuantacinc’annus chi trabagliaiaiat comenti de OSS in s’uspidali de Santu Stevini de Prato, in s’aposentu de chirurgia, dd’ant becada is carabineris e dd’ant denuntziada po fura e frode informatica. De fatu airi furau is bancomat a is malaidus andaiat a spendiri su dinari, donendu crobba de non ddi spendiri prus de binticincu eurus in manera de non depiri ponni su Pin, finas poita non ddu connosciat. Is spesas beniant fatas in Prato etotu, in dis e orarius chi non podiant essiri cun sa situatzioni, poita chini spaciaiat su dinari s’agataiat in is ispidalis e de seguru non podiant umperai is cartas.
A fairi scoberriri totu e ponni su puligi in s’origa de is carabineris unu babbu che in sa dì de sa morti de sa figlia at bidu movimentus de dinari in su contu chi non podiant essiri. S’omini, giai cun su dolu in pissu po sa morti de sa figlia, est andau de is carabineris chi torrendu gratzias a is telecameras de is butegas aunia su dinari fut stetiu spaciau ant scobertu s’infermiera. S’indagu non s’est frimau, is militaris ant aici bistu ca non fut stetia s’unica a essiri isdorrobbada. Atrus malaidus e finas una collega sanitaria chi in cussu tempus s’agataiat ricoverada po mori de un’incidenti stradali. De importu mannu s’agiudu de sa diretzioni sanitaria de su spidali de Pratao. “Is primus a tenni bregungia de cantu est susediu seus nosu, poita is familias non si donant is parentis insoru e nosu ddus pigaus in totu e po totu. Seus dispragius meda e inderetura nosi seus postus a dispossitzioni de sa giustissia”, at nau sa diretora de su spidali Sara Melani.
Mundu de averas legiu chi non si possat fidai mancu in logus aunia s’umanidadi depiat essiri sa prima cosa de biviri.
22 de làmpadas de su 2022
Màuru Mura
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”
Foto: https://www.nanopress.it/articolo/bancomat-questa-svista-e-fatale-ti-mangia-tutti-i-soldi-ci-caschiamo-sempre/371888/
