Atrus bintidus impestaus de Coronavirus in Sardigna e imoi in totu, contenduru sanaus e mortus, su numuru spantosu bessit a 1.113. Aici si ligit in su bulletinu de sa Regioni. De totu is malaidus bintises s’agatant in terapia intensiva, centu e noi in is ispidalis e setigentusessantotu calencunu cun signalis lebius e atrus chena perunu signali, invecias, in isolamentu in domu. Sa nova prus bella de eriseru est ca is mortus non crescint de numuru e abarrant setantatres. Nova ancora prus bella est cussa chi ndi funt bessius de is ispidalis in centutrintaseti, meda de custus sanaus in totu. Is tamponis fatus in s’Isula funt bessius a 10.663.
Est ancora sa zona de Tatari-Gaddura cussa cun prus impestaus, eriseru atrus trexi chi faint bessiri in totu a setigentutrintaseti. Funt, invecias, centunorantunu is malaidus in s’area metropolitana de Casteddu, eriseru si funt aciuntus in ses, otantacuatru cussus de su Sud Sardegna, trintacuatru in Aristanis e sessantaseti in Nugoro.
Foto: http://www.comuni24ore.it/2018/06/19/cagliari-allospedale-ss-trinita-eseguito-un-intervento-di-labiopalatoschisi-su-un-bambino-del-senegal/
