Cesare Battisti at lassau su presoni de Massama e imoi s’agatat in cussu de Rossano, in Calabria. Ddu at fatu sciri s’abogau chi ddu difendit, imparis a su milanesu Davidi Steccanella, Giuanni Francu Sollai. Battisti, acapiau in Bolivia a pustis trintaset’annus de bandidadura, iat acabau de papai po morrungiai contras de su presoni tostau chi ddi funt fendu fairi de candu dd’ant impresonau in Italia.
Su 23 de custu mesi, at fatu sciri Sollai, s’at a chistionai in su Tribunali de Casteddu po cancellai s’isolamentu in presoni de Battisti. Ma, in beridadi, cun s’erribu in Rossano, po Battisti acabat su abarrai a sa sola, non inderetura, a dogna modu, poita depit abarrai in cuarantena po is arregulas de su Covid.
“Ma chi su tribunali de Casteddu – si pregontat s’abogau Sollai – nosi donat arregioni, Battisti iat a podiri pediri calencuna cosa po totu custu tempus chi est abarrau in isolamentu?”.
Foto: https://www.zoom24.it/2020/09/14/terrorismo-cesare-battisti-trasferito-nel-carcere-di-rossano/
