Su sindigu de Casteddu, Pàulu Truzzu, est andau a biri comenti funt postas is scolas casteddaias. Mancat una cida, e pagu prus, a candu s’ant a torrai a oberri is jannas po professoris e discientis a pustis sa serrada de su mesi de martzu po mori de su coronavirus. Truzzu at bofiu biri, cun is ogus sus, chi totu est andendu beni.
“Apu atobiau dirigentis chi ndi scint meda e cuntentus, erricus de ideas e progetus – at scritu su sindigu in Facebook –. Cun is assessoris de s’istrutzioni Dedola e de is trabaglius pubricus Deidda, seus fendu totu cussu chi podeus po ponni is scolas a postu is aposentus po is discientis, chi non tengiant peruna scusa e chi si pongiant feti a istudiai”. “Ocannu, in Casteddu, – at sighiu a iscriri – 934 pipius intrant in sa prima classi de is elementaris, a totu custus e a is famililas insoru facu is augurius!”
Foto: www.wikipedia.it
