“Eus fatu nosu sa partida e cun s’Inter non est facili a ddu fairi. Seus stetius bravus e torraus a domu cun d’unu puntu meritau, massimamenti po comenti ddu eus fatu”. Ddu at nau s’allenadori de su Casteddu Rolando Maran una borta acabada sa partida de Milanu paregiada po 1-1 cun calencuna cosa de nai puru: “Su gol de Lautaro Martinez de su campu pariat chi non baliat ca at donau una spinta a unu giogadori nostu e po custu non dd’at boddiu sa bocia”.
“Sa cosa bella est ca finas a pustis airi pigau su gol non eus mai cambiau su modu de giogai. Nainggolan est su meglius chi podiaus tenni ca cun sa gana chi tenit ce dda fait a fairi giogai beni a totus”.
Imoi su Casteddu ndi parit bessiu de cussa crisi chi dd’iat fatu perdiri cuatru partidas totu paris, giai de dominigu passau in Brescia fut cambiada calencuna cosa e eriseru s’est cumprendiu ca est torrada sa gana de torrai a curriri. Eus a benni a biri in is cidas ant a benni.
Foto: https://www.sardiniapost.it/sport/il-tecnico-maran-abbiamo-dominato-frecciata-di-nainggolan-verso-linter/
