“Sa Sardigna podit essiri sa prima regioni Covid-free de stotu s’Italia e finas de s’Europa”. Ddu at nau su presidenti de sa Regioni Christian Solinas, in s’atobiu de dogna dì cun is giorronalistas candu chistionat de is numurus de su coronavirus in Sardigna. Eriseru “feti” unu mortu, imoi funt otantases in totu, e catodixi impestaus nous, in totu 1.178.
“Est importanti meda, sonumancu creu – at nau Solinas – a si ponni comenti de fini urtimu cussu de torrai a oberri a innanti de totus in Italia e in Europa. Iat a serbiri a totu su mundu de su trabagliu”.
In 255 biddas sardas de totu is 377 non s’agatat perunu casu de Coronavirus. “Ia bolli torrai gratzias a totu is sardu – at aciuntu su Presidenti – poita funt fendu sacrificius mannus e funt sighendu is mesuras chi eus donau. Soi seguru ca po meritu insoru, coidendu, eus a torrai a respirari cuss’aria de libertadi chi imoi nosi mancat”.
Foto: https://youtg.net/primo-piano/24891-solinas-se-continuiamo-cosi-la-sardegna-potra-essere-la-prima-regione-covid-free-d-europa
