S’Ogliastra parit un’isula cuntenta in Sardigna poita in custa zona, po imoi, su Coronavirus no est erribau. Forsis poita ddue bivit pagu genti o forsis poita fut giai una realtadi ca bivint atesu unu de s’atru? O forsis, pensamentu chi ancora non tenit peruna beridadi de is scentziaus, ddu est un’acapiu cun is anticorpi de sa malaria passada de medas?
In Ogliastra ddue funt medas biddas cun becius medas e prus de unu tenit prus de cent’annus. Andant in is ortus, faint su pani in domu e parit chi non sunfrant custa pesta, forsis poita de cussas partis est sa regula cussa de non biviri cun atra genti in is orus, non ti pigant pigant postalis e trenus, is biddas funt atesu meda una de s’atra e si bivit foras de domu.
“Po s’ora andat totu beni – narat su sindigu de Lanusei Davidi Burchi – ma custu non bolit nai chi non si depeus preparai. Comenti sindigu, ma finas comenti presidenti de su sociu po sa sanidadi de is biddas ogliastrinas, eus aprontau unu acordiu cun d’unu albergu de Lanusei po sa genti chi podit essiri positiva a su virus ma non si podit isolai in domu”.
Foto: https://it.wikipedia.org/wiki/Ogliastra
