De cras, chi intrat su mesi de Santu Gaine, po spaciai currenti e gas in domu tocat a pagai de prus. Sa currenti bessit de su 15,6% e su gas, invecias, de su 11,4%.
A pustis de is pretzius prus bascius, po mori de is agiudus de su Stadu po su Coronavirus, imoi nosi torrant a tocai sa buciaca.
Cun is aumentus, ligendu is numurus de s’Autoridadi po s’energia, in su 2020 uan familia normali at a risparmiai su matessi prus de duxentus eurus cunfrontas a s’annu a innanti: in su 2020, sempiri una familia normali, at a pagai in totu, po sa currenti, prus o mancu, 485 eurus, chi funt 74 eurus de mancu de su 2019. Sa matessi cosa po su gas: 975 po su 2020, 133 eurus de mancu de su 2019.
C’at de nai puru ca s’Unioni nazionali consumatori no est de acordiu cun totu custus numurus. Su sotziu narat ca, invecias, s’at a spendiri de prus: in totu, tra currenti e gas 166 eurus in prus!
Foto: https://www.altroconsumo.it/casa-energia/elettricita-e-gas/calcola-risparmia/bolletta-della-luce-trova-la-tariffa-meno-cara?landingpage
