Funt 853.521 inItalia is domandas po cicai de si pigai su dinari de su “reddito di cittadinanza”. Funt, po su ministru de su Trabagliu “Su 68% de cussus chi nd’iat a tenni diritu e tra ominis e feminas funt prus de dus milionis e mesu”. De sa Sardigna funt erribadas, po s’ora, cuasi binti mila domandas. Su numuru giustu est 16.957, ma sigomenti ancora c’at tempus is domandas podint cresciri. S’Isula, de is regionis italianas, non est in conca a-i custa classifica. A innanti de totus ddu est sa Lombardia aunia is domandas funt 36.538, sighit sa Campania cun 32.513. In segus agataus sa Sicilia cun 26.692, su Piemonti cun 24.115, su Latziu cun 23.832. A suta de is bintimila paris a sa Sardigna, ddu funt sa Puglia (16.657), Emilia Romagna (14.769), Toscana (13.489) e Veneto (10.105). Sighit dapoi Calabria (9.753), Liguria (7.826), Abruzzo (4.734), Friuli Venezia Giulia (4.111), Marche (3.799), Umbria (2.774), Basilicata (2.310), Molise (1.154), Trentino Alto Adige 881. Serrat sa Valle d’Aosta cun 500
Foto: termometropolitico.it
