“A fairi a timiri sa juventus non est facili ma iaus a bolli fairi puntus, de seguru non pongiu sa firma po su paregiu, depeus cicai de binciri”. Custus funt is fueddus de Rolando Maran, s’allenadori de su Casteddu, chi non timit sa partida de custu merì e si dda giogat a conca arta. Candu chistionat de is piciocus Maran arregodat ca “funt totus a dispositzioni chi ndi tiraus Klavan e Castro”, e aciungit: “Teneus gana de arregalai una bella partida a is tifosus, scieus ca po fairi custu tocat a fairi meglius de is urtimas partidas”. Is partidas de custa torrada s’ant a oberri custu mericeddu a is seti cun Milan-Udinese e is segus sa partida de su Casteddu. In sa parti prus bascia de sa classifica, cussu chi castiat su Casteddu, is ogus funt po Empoli-Napoli e Atalanta-Bologna. Sa scuadra toscana de Andreazzoli est, po s’ora, cussa chi nc’iat a calai in serie B (donendu po seguras su Chievo cun su Frosinone) e s’agatat a otu puntus de sa scuadra sarda.

 

 

Foto: repubblica.it