Tra pagas oras eus a connosciri is nominis de is assessoris de sa giunta de Christian Solinas, ant agatai postu dus assessoris de sa Lega, Psd’Az, Forza Italia e Riformatori, unu, invecias, po Fratelli d’Italia, Udc, Sardegna20Venti e Sardegna civica-Fortza Paris, ma ancora non si scit chini at a pigai sa presidentzia de su Consigliu regionali.
Eriseru Solinas iat airi depiu atobiai su capu de sa Lega Mateu Salvini po decidiri paris ma non ce dd’at fata ca s’intendiat mali. Po sa presidentzia funt in cursa sa Lega e Fortza Italia. S’est fatu intendiri su deputau Perdu Pittalis de Facebook po nai ca sa presidentzia tocat a-i cussus.
“Fortza Italia non podit, in peruna manera, fairi de mancu de sa presidentzia de su
Consigliu Regionali de sa Sardigna po mori de s’agiudu mannu a sa coalitzioni de su centrudrestra e a su Presidenti Christian Solinas”, si ligit in su post de Pittalis.
“Forza Italia, sighit su post, tenit genti seria chi podit fairi su Presidenti de su Consigliu, nos fidaus de Solinas e scieus ca at a fairi su scioberu prus giustu”.
Foto: forzaitalianews.it
