S’est chistionendu de fairi votai prus a innanti in su tempus in bintinoi biddas sardas, aunia si depiat votai su bintises de maiu, sa matessi dî de is Europeas. Po is problemas de contai beni is votus de is regionalis non ci fut prus su tempus po cusa dî e pariat ca si podiat votai su segi de lampadas. Imoi, invecias, su presidenti nou de sa Regioni Christian Solinas est pensendu de votai po is Comunalis in su mesi de Santu Aine po mori de non orrosciri is eletoris e fians timendu ca meda genti non iat andai. Iat a serbiri una lei po custu m giai de imoi podeus nai ca sa dî de is eletzionis non si connoscit. Parint a favori de sa pensada de Solinas totu su centrudresta e una parti de su centrumanca, non andat beni invecias po Campo Progressista, Sardegna 20Eventi e Is Steddaus. “Beneus a sciri ca is eltzionis de Casteddu podint essiri fatas prus adduru de làmpadas, sa truma de is Riformatori funt arriolaus po custu. Depeus cicai de donai a sa citadi de Casteddu unu sindigu nou chi pensit a sa citadi e non a sa carriera sua”, ant scritu in-d’unu documentu Giorgio Angius e Raffaele Onnis.
Foto: giornaledibarga.it
