Bolzano est sa provincia prus sana, ddu narat una cica de su Sole 24 Ore. Sa cica at postu comenti de meritus is maladias chi su territoriu causat, sa possibilidadi de ddas sanai cun is meiginas, sa possibilidadi e sa disponibilidadi de si fairi curai de genti esperta: siat is becius che is pipius. In is primus tres postus agataus, po custu, Bolzano, Pescara e Nugoro. Tatari est cuarta e Casteddu sesta. Totu sa provincia de su Sud Sardigna est a su 28° postu e cussa de Aristanis a su 73°.

Sa maglia niedda de custa cica andat a Rieti e in is urtimu postus agataus fians Alessandria cun Rovigo. Intru de is citadis prus mannas Milanu cun Firenze erribant in is primas dexi aunia s’agatant tres provincias sardas (Nugoro, Tatari e Casteddu) e duas de sa Lombardia.

Tatari est a su primu postu in sa classifica natzionali po su numuru prus basciu de mortus de cancru e po cussa de infartu puru, Casteddu est sa prima po numuru de dotoris po pipius e Nugoro sa prima po dotoris de meigina generali.

 

 

 

 

 

 

Foto: wikipedia.org