Bravas, antzis est a nai bravissimas in sa prova de teoria: dda giumpant chena perunu problema, meda a innantis de is ominis e de is feminas de s’orrestu de s’Italia. Su problema mannu erribat pustis, candu de sa teoria si depit passai a sa pratiga. E is feminas, in Sardigna, in su volanti de is veturas sudant frius. Ddu narat una cica de su Ministeru de is Trasportus, po s’annu de su 2018, torraus a pigai de su Sseo (Sardinian socio-economic observatory). Is feminas sardas non andant meda de acordiu cun sa machina, massimamenti in su casteddaiu aunia una femina dogna duas non giumpat sa prova de guida. Is ominis funt unu pagu prus bravus ma non tenint meda de erriri poita chi si cunfrontant a s’orrestu de s’Italia si depint atacai poita funt a is urtimus postus de custa classifica. C’at de nai perou, ca una borta pigada sa patenti is feminas diventant bravas autistas, disciplinadas e sempiri donant croba a totu su codici stradali.
Foto: provincia.lucca.it
