Su “totoministri”, de su guvernu Meloni, est in sa buca de totus. Dognunu narat sa sua, bortas meda fintzas chena peruna bogi in capitulu, ma feti po fairi pigai aria a is dentis. E in mesu si ponint, comenti de sempiri, is bookmakers a fairi previsionis po su benidori e donendu is cuotas.

Intru de custus, comenti scrit s’agentzia specializada Agipronwes, su fruidori de cuotaas po is bookmaker internatzionalis Oddsdealer.net. Miraosì is cuotas assignadas a cussus prus connotus.

Economia: po su Mef cussu chi tenit prus possibilidadis est Fabiu Panetta, donau a 1,83 sighiu de Dominigu Siniscalco a 2,89 e de Dariu Scannapieco a 4,82.

Interni: po su Viminali is “trader” scumitint in pissu de Mateu Piantedosi, a innanti a duas bortas sa scumissa. Benit a foras perou su nomini de Giulia Bongiorno, segunda in cuota a 2,90, cun Gisepi Pecoraro chi sighit a 3,85.

Giustissia: sa Bongiorno benit donada in cursa fintzas po su ministeru de Gratzia e Giustitzia, finas chi a 3,20 in palas a Carrulu Nordio a 1,80. Si fueddat fintzas de Franciscu Paulu Sisto, donau a 4.

Esteri: po sa Farnesina is “Bookie” narant Antoni Tajani, favoressiu cun 1,40. In segus ci funt Elisabeta Belloni a 4 e Giuannipieru Massolo a 7.

Difesa: po sa Difesa est una partida totu in domu intru de is Fradis d’Italia. Favoressius, cun 2,65, po dognunu funt Guidu Crosetto e Adorfu Urso. Su spantu podit essiri su segretariu generali de sa difesa, su generali Lucianu Portolano, donau a 2,90.

Saludi: po su ministeru de sa Saludi a innantis ddu est Franciscu Rocca, presidenti de su Comitau Natzionalil de sa Grugi Orrubia italiana cun s’1,88. A sighiri, Guidu Bertolaso a 2,90 in denanti a Licia Ronzulli, donada a 4,60.

Camera: Po sa presidentzia de sa Camera benit donau in vantagiu Giuannicarrulu Giorgetti a 1,85, sighiu de Ricardu Molinari a 2,80, cun su caputruma de Fortza Italia, Pàulu Barelli, a cincu bortas sa scumissa.

Senau: Po sa presidentzia de su Senau est favoressia Anna Maria Bernini, a 2,28 sighia de Ignatziu La Russa a 2,75. Tertzu, a 3,40, est donau su nomini de su leghista Robertu Calderoli.

 

 

Màuru Mura

 

 

Martis, su undighe de Santu Gaine de su 2022

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22

 

Foto:  https://www.facebook.com/palazzochigi.it/