A pusti tres vitorias e unu paregiu in is urtimas cuatru paritdas su Casteddu ndi leat unu puntu, bonu de averas, in Roma puru, 1-1 est acabada sa partida contras de is grogus-orrubius de Fonseca. Est stetia una partida cumbatia meda de is duas scuadras cun su Casteddu chi at segnau po prima cun su rigore de Joao Pedro, a pusti chi Mancini iat tocau sa bocia cus su brassu, e, sa Roma, chi ce dd’at fata a paregiai cun d’unu gol in sa porta sua etotu de Ceppitelli. Po su Casteddu est unu puntu de oru, po sa Roma unu pagu de mancu ca boliat binciri custa partida. Maran at fatu giogai de su cumentzu custus giogadoris: Olsen in porta, Cacciatore, Ceppitelli, Pisacane e Pellegrini in difesa, Cigarini, Nandez e Rog in mesu de su campu e Nainggolan a palas de is atacantis Joao Pedro e Simeone. Funt intraus, gioghendu cussus puru, Castro, Ionita e Mattiello.
Si torrat a incumentzai su 20, apusti is partidas de custa cida de s’Italia de Mancini, contras de sa Spal in su Sardegna Arena.
