“Si podit andai a innanti ma nemus torrit a incumentzai a ponni is bandelas in pissu de is identidadis poita is italianus funt orroscius non funt callonis”. Nigola Zingaretti, segretariu de su Partidu Democratigu, non dda mandat a nai chistionendu cun Giletti in “Non è l’Arena”.
“Tocat a fairi cussu chi eus nau – at nau – chi nde chi no is italianus s’inchietant e faint una rivolutzioni”. De is amigus chi guvernant paris at nau: “Non mi pragit su giogu a chini dda narat prus manna. Chi in custu guvernu calencunu creit chi a innantis podit nai de essiri de acordiu e a pustis, invecias, si ponit a fairi storias, s’interessu de andai a innanti non est su matessi. Nemus depit fairi su furbu, s’andat a innanti totu paris ma non po si setziri in is cadiras. Chi no est aici bastat a ddu nai e non si strupiaus ne s’unu nen s’atru”. “Chi non ce dda feus a fairi cussu chi eus impromintiu, tocat a ddu nai a is italianus”, at acabau de nai Zingaretti.
