In degi annus is pipius che in Italia bivint in poberesu funt diventaus tres bortas tanti e de tregentusetantacincumila ce dd’ant acabbada a essiri unu milioni e dugentusessantamila. Est Save the Children a ddu fairi sciri cun s’”Atlante dell’infanzia a rischio” chi eriseru at fatu girai in degi citadis italianas po su progetu “Illuminiamo il futuro” intregada a cumbatiri sa poberesa.
Is pipius prus poburus ddus agataus in sa parti bascia de s’Italia, cincugentusessatatres mila, in sa parti arta funt prus pagus ma non de meda, cincucentuotumila, e in sa parti de mesu istant meglius, centunoratadusmila.
C’est, in segus, sa poberesa relativa chi in su 2008 fut de 1.268.000 pipius e a pustis degi annu funt crescius a 2.192.000. Diferentzias mannas, a dogna manera: in Emilia Romagna e in Liguria pagu de prus de unu pipiu in pissu de degi bivit in familias chi podint spendiri meda prus pagu de sa media natzionali, invecias funt prus poberus cussus chi bivint in Campania e in Calabria.
