Mancant ancora cuatru dìs a s’acabu de is allenamentus de su Casteddu in Alto Adige. Sighint a trabagliai is piciocus de Rolando Maran e imoi funt cun sa conca pensendu a sa prossima partida de giobia contras de sa Cremonese. Est sa prima partida unu pagheddu prus dificilis de is atras e Maran bolit biri comenti s’ant a ponni is giogadoris in campu.
Su Casteddu est trabagliendu meda e ddu fait dogna dì in su mengianu e in su merì.
A is ordinis de Maran funt totus a postu e mancat feti Fabritziu Caligara chi at tentu calencunu problema in sa partida cun sa Virtus Bolzano.
Trabagliat a parti feti Albertu Cerri, sighiu de Franciscu Fois, cussu chi s’interessat de is infortunaus. A s’acabbu de s’allenamentu at fueddau Fabiu Pisacane nendu ca est cuntentu meda de giogai po un’atru annu cun sa maglia de su Casteddu e de essiri prontu a rinnovai su cuntratu.
Foto: gazzettadellevalli.it
