De Zurigo non faint sciri nudda de su pagu chi si scit in pissu de sa saludi de Sergiu Marchionne, s’aministradori de sa Fca, chi est morendusì po unu cancru. Dominigu passau su presidenti de Fca, John Elkann, iat fueddau de una sorti chi pariat sinnada e in custas oras finas su Presidenti de is Stadus Unidus, Donald Trump, at telefonau a su nebodi de s’Abogau po fairi sciri ca est dispragiu meda.
De cussu chi ant chistionau non si scit meda ma Trumpa at nau a Elkann de portai is saludus a sa familia de Marchionne. S’atru mengianu est stetiu Elkann su matessi ad oberri in su Lingotto de Torinu sa riunioni de is manager prus mannus de sa Fca e in segus si nd’est andau lassendu a Mike Manley e a sa scuadra sua is trabaglius.
A merì fut, apustis, in Maranello po atobiai is responsabilis de sa Ferrari imparis a Pieru Ferrari e a Louis Camilleri, e at bofiu finas chistionai cun is pilotas.
Foto: /torino.corriere.it
