“Non si podint intendiri is fueddus de is politicus chi incurpant is migrantis de totu sa cosa chi non andat”. Funt is fueddus de su Paba Franciscu in su messagiu po sa de cincuantadus dì Mondiali de sa Pagi de su primu de gennargiu.
Franciscu at cumbidau a totus cussus chi creint in Deus de s’oberri a is fradis de dogna logu: “Biveus unu tempus malu aunia si timieus s’unu cun s’atru e timeus a su strangiu. Timeus ca chi c’at atra genti nosu non teneus prus is diritus chi nos si tocant de sempiri. A livellu politicu puru est aici, non si podint serrai is portas a sa genti, su mundu tenit abbisongiu de essiri totu fradis”.
Propriu a su mundu de sa politiga Franciscu at fueddau chena farta: “Sa politiga depit essiri a su servitziu de sa pagi e depit portai arrespetu de totu is diritus fundamentalis de is ominis”. Fueddus, cussus de Franciscu, chi fint pensai ca, forsis, un’atru mundu est possibili.
Foto: rtl.it
