At essi cras a is duas e mesu in du Duomo de Trento s’interru de Antoni Megalizzi, su giorronalista italianu bociu in Strasburgo po manu de Chérif Chekatt. A ddu fairi sciri est stetiu Don Mauro, predi de sa cresia de Cristo Re de Trento. In custa cresia, de acordiu cun sa familia de Antoni, si podit andai a donai s’urtimu saludu a su piciocu chi sonnaiat unu mundu de pagi po totus. A fairi sa missa at essi s’archipiscamu Lauro Tosi.
Su corpus de su piciocu de bintinoi annus est erribada eriseru in Ciampino, aunia a dd’aspetai ddue fut su presidenti de sa Repubblica Sergiu Mattarella. A pustis s’est acostiau a fairi una tac a su policlinico Gemelli de Roma e, in segus, at sighiu su caminu po Trento.
In su mentris in Francia sa politzia sighit s’indagu po cussu chi est sussediu e in is dìs passadas ant frimau un’atru parenti de Chekatt, incurpau de airi donau s’arma a su terrorista francesu.
Foto: rainews.it
