Festa manna de folklori, costumus e cantus in is orrugas de Ceraxius po sa Coja antiga. Cust’annu a si coiai, comenti faiant is antigus, in sa cresia de s’Assunta, funt stetius Alisandru cun Irene. Sa citadi de Ceraxius (chi in Sardigna est, comenti de genti chi ddue bivit erribat, tra is prus mannas cun prus de trintamila) fut prena de genti chi erribat de dogna parti, turistas e curiosus. Su sposu e sa sposa si funt agataus in s’intrada de sa cresia e, una borta acabada sa cerimonia, ant girau totu is orrugas de su centru storicu paris a is cincuanta grupus folk erribaus de totu sa Sardigna cun is sonadoris de launeddas.
In sa cresiedda romanica de Santu Giulianu, Alisandru e irene ant scritu s’impromintzia de amori, imoi posta in-d’una teca po is binticinc’annus chi ant a benni. Totu sa cerimonia si podiat sighiri in televisioni puru, difatis Videolina, comenti fait de una bona pariga de annus dd’at fata biri a totu cussus chi non si ddue podiant acostiai. Augurius mannus a is isposus po una vida in saludi e allirghia.
Foto: sardegnainblog.it
