Libertadi cun sa conditzionali po Annino Mele chi at lassau su presoni de Bollate, aunia fut de paricius annus e at possiu andai in sa comunidadi Il Gabbiano di Piona de Colico, acanta de sa citadi de Lecco.
Annino Mele, mamoiadinu, imoi tenit sessantaset’annus, est de trintun’annus in presoni e po bintot’annus non est mai bessiu poita non at tentu mai perunu permissu de is giudicis. Nasciu e pesau in Mamoiada, Annino Mele, s’at pigau su presoni a totu vida poita, segundu is giudicis, iat bociu dus ominis in su1976, insegus s’at pigau puru bintot’annus po nd’airi liau unu pipiu de ot’annus, trinta po sa Superanonima de Gaddura e atras cundennas po dus secuestrus.
Mai Annino Mele at fatu is nominis de cussus chi ddu podint airi agiudau ma de tempus meda est un’atru omini e in presoni at studiau e at scritu una bona pariga de liburus.
De unu pagu de tempus podiat bessiri de presoni po una pariga de oras ma depiat sempiri torrai a dromiri inigui. Imoi, invecias, sa vida sua cambiat po totu.
