Leggimus dogni die in sos giornales
cosas chi renden pàllidu unu moro:
babbos ch’istupran sas fizas insoro,
infames violéntzias carnales.
Pedófilos chen’ànima ne coro
chi costoin manias criminales,
e munsegnores omossessuales,
in paramentos de prata e de oro.
Ma como est ora d’esser aggiornadu
su códice penale in Parlamentu,
cun referendum de Segni o Pannella.
S’istupradore meritat in tzella,
e duncas siat dogni violentu
punidu cun s’ergàstolo e crastadu.