“Superficialidadi e confusioni finas in is pratigas prus facilis, ma a su matessi tempus de importu, de s’aministratzioni Regionali, comenti no airi nemancu fatu su Segretariu generali”.
A incurpai s agiunta Regionali, ghiada de Alissandra Todde, est Fradis de s’Italia, cun dd’unu paperi de su caputruma Paulu Truzzu, chi atacat: “Su 4 de mesi de idas, sa Giunta Todde iat deliberau po su nomini de Eugeniu Annichiarico e, aspetendu de imbucai in s’incarrigu in totu, sa sostitutzioni de su dimissionariu Lorusso con su diretori generali de sa presidentzia, Giuanni Deiana. Po immoi non connosceus perunu paperi de sa Presidenti e non teneus nova de sa firma in pissu de su cuntratu. Non feti, su 9 de gennargiu passau sa Giunta regionali at postu a Annichiarico comenti parti in sa Cumissioni paritetica Stadu-Regionis, in sa matessi calidadi de segretariu generali”.
Su consiglieri regionali de is Steddaus, Alissandru Solinas, eris a merì at arrespustu a is fueddus de Paulu Truzzu: “Annichiarico est diventau segretariu regionali de sa Regioni Sardigna in su mesi de idas passau cun dd’una delibera de giunta”, fait sciri. “In gennargiu sa giunta ddu at postu in parti in sa Cumissioni paritetica Stadu- Regioni.
Su poita est imbucau in custa cumissioni, ca est cumpetentzia de sa Regioni, s’at a tenni cun s’idoneidadi de parti de su Consigliu Regionali e cun is paperis chi eus a mandai a su Ministru de is Afaris Regionalis”.
“Cust’urtimu autu at essi mandau a pustis chi Annichiario at a cumentzai a trabbagliai, aciungit su matessi Solinas. Chi donat finas is mesuras de is atrus passus de fairi: “Su ministru ddu at a fairi imbucai in sa Cumissioni. Duncas, in manera giusta comenti s’agatat in s adelibera, Annichiarico est cualificau comenti de segretariu regionali. IS fueddus de Truzzu lassant su tempus chi agatant”.
Màuru Mura
Giobia, su bintitres de gennargiu de su 2025
Attività realizzata col contributo della Regione Sardegna – Imprentas 2024-2025. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2024-2025. Lei Regionali 22/2018
Foto: https://www.regione.sardegna.it/notizie/388416
