Est morta Lionora Giorgi. S’atrici est morta po mori de unu cancuru a su pancreas chi dd’at fata sunfriri meda. Una maladia de sa cali iat chistionau meda, giai de candu, in su mesi de talamini de su 2023, si dda ant agatada.
Lionora Giorgi fut ricoverada in dd’una clinica de Roma, sa Paideia: candu fut sempiri posta peus e, iat nau, ca “non ce dda facu mancu a fairi dexi passus. S’anima mia est pronta e mi soi curendu feti po is figlius mius”.
Sa familia e totu at fatu sciri ca “custu mengianu Lionora Giorgi s’est morta in pagi e cun s’amori e s’imbrassu de is figlius”.
Is figlius Andria e Paulu e cussu chi est stetiu su pobiddu, Massimu Ciavarro, ddi funt stetius a su costau finas a s’acabbu. E a dd’agiudai finas su nebodeddu Grabieli, figliu de Paulu Ciavarro e Clizia Incorvaia. In custus urtimus mesis, massimamenti, Lionora Giorgi no at mai perdiu s’errisu e sa gana de biviri, aici comenti s’est amostau candu chistionaiat de sa maladia.
Lionora Giorgi fut nascia in Roma su 21 de su mesi de talamini de su 1953, ma teniat sanguni strangiu, est a nai ingresu po parti de babbu e ungheresu de parti de mama e custu imbestimentu intru de severidadi inglesa e passioni ungheresa s’est sempiri amostau in sa vida sua.
Biunda, ogus asulus, si moviat comenti de una Lolita e amostaiat totu sa bellesa sua, difatis at tentu unu servitziu totu po cussa in su Playboy Italia. In su 1974 atobiat a Ornella Muti chi po tempus meda fut amiga/nemiga. In su matessi annu is primus dolus comenti sa morti de su spostu Alissandru Momo in pissu de una motocicreta. Po custu grandu dolori sa Giorgi s’est atacada po tempus meda non fendusì prus biri in su cinema. E cumentzendu finas a si drogai e connoscendu sa depressioni.
In sa carriera sua at trabbagliau cun is atoris prus mannus e su matessi cun is registas.
Màuru Mura
Martis, su cuatru de martzu de su 2025
Attività realizzata col contributo della Regione Sardegna – Imprentas 2024-2025. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2024-2025. Lei Regionali 22/2018
Foto: https://www.roadtvitalia.it/eleonora-giorgi-eta-cause-morte-figli-paolo-e-andrea-patrimonio-addio-allattrice/
