Custa borta “su negigu” bincit e Jannik Sinner si depit arrendiri a Carlos Alcarez in s’urtima partida de su Atp 500 chi s’est giogau in Pechinu. Dogna tanti duncas finas Sinner testat eita bolit a nai a perdiri, ma ddu at fatu a pustis de una partida intru de is prus spantosa chi si siant bistas. Totu est addurau po tres oras e mesu ca is dus tennistas meglius de su mundu si funt cumpartzius is cuatru Slam de s’annu. Nemus, de s’orrestu de is tennistas, s’acostiant a custus dus.
Su spagnolu, chi est nasciu in Murcia su 5 de maju de su 2003, bincit cun is arresurtaus de 6-7, 6-4 3 7-6 gioghendu grandu tennis in tres oras e bintitres minutus. Ma, est a nai, ca Sinner est stetiu bravu su matessi. Ca, difatis, bortas meda pariat ca non ce dda faiat a abarrai a su livellu de Alcaraz, ca s’est amostau prus postu beni in su corpus, ma no at mollau po nudda. Alcaraz cumentzat meglius meda e si portat inderetura in vantagiu po 5-2, ma su numuru unu in su mundu ce dda fait, cun barra e bravura a ddu torrai a pigai e lompidi finas a s’acabbu e ce dda fait a binciri sa partida de unu po 7-6. In sa partida de dus sa crai de svolta lompidi a su giogu de otu, in su cali Sinner si faidi poderai e non ce dda fait a acabbai po si portai in su 5-3, ca est a nai ca at faddiu in calencuna giogada. Nd’aprofiat su spagnolu Alacares de serrat po 6-4 e si portat a innanti, inderetura in sa partida de tres po 3-1, cun duas bocias po andai a su 4-1. Sinner abarrat in partida e ce dda fait a cuberai po si torrai a ponni in paridadi. Est fnas in vantagiu po 3-0, ma de tandu non fait mancu unu puntu e perdit po 7-3. Duncas cun su Atp 500 de Pechino Alcares bincit po sa bia de cuatru ocannu e po sa bia de seixi in totu su contu, in su mentris chi Sinner abarrat frimu a sixi vitorias in totu de is cali ses ocannu.
Màuru Mura
Giobia, su tres de Santu Antine de su 2024
Attività realizzata col contributo della Regione Sardegna – Imprentas 2023-2024. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018
Foto: https://www.ilfattoquotidiano.it/2024/10/02/atp-500-pechino-jannik-sinner-carlos-alcaraz/7715567/
