“Est sa dì, totu intrea, de su cumentzu a s’acabbu, de sa campagna eletorali nosta. Prus a tradu andu a Wilmington, in su Delaware, po saludai totu sa genti chi est trabbagliendu in s’aposentu aunia partint is cumandus. Una dì, duncas, est passada, nd’abarrant atras centu e cincu. Totu paris eus a binciri custa torrada eletorali”.
Ddu at scritu in is paginas de X sa numurus dus de is Stadus Unidus, Kamala Harris, a innanti de fueddai in dd’uu atobiu in sa Domu Arva po fetai cussu chi est sussediu intru de is sportivus universitarius de ocannu.
Comenti si connoscit, a pustis chi su Presidenti in carriga Joe Biden s’est postu a un’ala po custa torrada, Kamala Harris est cuasi de seguru sa candidada noa de is Democratigus po is presidentzialis de su mesi de Sant’Andria, aunia si dd’at a biri cun su candidau republicanu, e giai presidenti de is Stadus Unidus in tempus passau, Donald Trump.
Unu passu a palas, cussu de Joe Bidan, chi sa matessi Harris, a sa prima ocasioni at laudau, cun custus fueddus: “S’eredidadi e is arresurtaus de Joe Biden funt aici mannus chi non si funt mai amostaus in su tempus modernu”. Sa candidada, ancora no uficiali a dogna manera, de is democraticus at finas bofiu fuedadi de “s’onestadi e de sa moralidadi” de su presidenti e dd’at torrau gratzias e scoviendu finas ca Biden, chi est malaidu de covid in custas dis, “est postu beni et est sanendusì”.
Po Kamala Harris funt allirgus totus cussus chi contant de averas de is democratigus: est a nai de Nancy Pelosi finas a Hillary e Bill Clinton chi ddu ant anu cun fieresa e in manera uficiali. No est ancora uficiali su eja de Barack Obama, ma non ddu est peruna duda chi su presidenti beciu de is Stadus Unidus non tengiat peruna duda.
Ma s’allirghia est manna e difatis, po custa torrada, a su Partidu funt lompius 150 milionis de dollarus a pustis chi Biden s’est postu a un’ala.
Màuru Mura
Dominigu, su bintotu de mesi de orgiolas de su 2024
Attività realizzata col contributo della Regione Sardegna – Imprentas 2023-2024. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018
Foto: https://www.ilfattoquotidiano.it/2024/07/27/kamala-harris-americani-in-estasi-per-una-volta-si-potrebbe-andare-un-po-oltre/7636582/