Est de una dì a un’atra chi su tempus est mudau: dominigu passau pariat una dì de beranu e, de eriseru est torrau su frius cun is tempereduras caladas fintzas de dexi gradus. Po is dis benidoras nos aspetat sempiri frius, ma finzas niadas in is montis e in is biddas. Sun ì at a lompiri a suta de is cincucentumetrus de artaria, e aici at essi po totu s’orrestu de sa cida, po cussu chi narant is chi studiant su tempus. At andai meglius, po chini non agradessit su frius, in su acabbu de cida: sabudu e dominigu is temperaduras ant a cumentzai a si pesai bia sus.
S’at a amostai finas s’abba, massimamenti intru de su Sarrabus e s’Ogliastra, pagu cosa in is atras zonas de Sardigna. Est a nai ca s’abba serbit meda a totus po preniri is bacinus, a pustis unu atongiu e unu cumentzu de ierru sicu.
Candu lompit su nì, inderetura sa Protetzioni civili de sa Regioni cumentzat a scriri a totus is cumunus po nai de donai crobba manna po is caminus e po chini umperat sa machina po viagiai: “donai atentzioni manna po su ghiaciu e guidai cun sa massima prudentzia”. Est seguru chi in is urtimas oras de su noti e in is primas oras de su mengianu su ghiaciu dd’at a fairi de merì in is stradas. Po custu sa Politzia stradali e s’Anas ant cumentzau a ponni sali in is caminus, massimamenti in cussas de su centru de sa Sardigna, aunia s’agatant is biddas cun is montis prus artus e chi ant a sunfriri is problemas chi su nì portat.
Difatis benint bigliadas stradas comenti sa Statali 389, chi portat de su Nugoresu a s’Ogliastra, e sa 131, massimamenti in is orus de Campeda, aunia candu niat, cuasi, si frimat su traficu. Po non fueddai de sa proviciali 7 chi de Fonne portat a Desulo, chi duas cidas a immoi, candu est calau su primu nì, at tentu problemas mannus po is machinas.
De sa Protetzioni civili faint sciri de si ponni in viagiu feti chi est necessariu e a tenni o gomas de nì o is cadenas.
Màuru Mura
Martis, su 7 de friargiu de su 2023
Foto: https://www.ilmeteo.it/notizie/meteo-neve-sta-per-tornare-anche-in-pianura-vediamo-quali-sono-le-regioni-sono-a-rischio-mappe-131529
