Casteddu imbucada intru de is binti citadis prus birdis de s’Italia. Sa capitali sarda s’agatat in sa positzioni de 16 e in sa classifica spantat finas Aristanis chi s’agatada in sa positzioni de 21. A fairi sa classifica, pubricada de su Sole 24 Ore est Legambiente, chi at difundiu s’indagu “Ecosistema Urbano” lompiu a sa editzioni de trinta, chi tenit a su centru sa saludi de is capitalis e provincias italianas. Prus de centu is citadis pigadas in cunsideru.
Casteddu fait unu bellu sartidu in denanti ca s’agataiat in sa positzioni de 23 e ancora de prus ddu fait Aristanis chi giumpat a sa positzioni de 21 lompendu de cussa de 44.
Est a nai ca su Nord-Est de s’Italia dda fait de meri, non feti po Trento ca ocannu passau fut sa segunda e immoi si torrat a pigai sa positzioni de unu, ma finas cun Pordenone e Treviso ca funt tertza e cuarta. Mantova in sa positzioni de dus, godangiat otu positzionis e dda fait de meri po is citadis aunia su traficu de is machinas est de mancu. Ancora, in is primas dexi positzionis, agataus La Spetzia chi passas de sa positzioni de noi a cussa de ses. S’Emilia Romagna est sempiri rapresentada beni de Reggio, in sa positzioni de cincu, e Forlì, in cussa de otu. Sa meglius de s’Italia de basciu est Cosenza chi, calat giai de duas positzionis, ma abarrat, cun sa positzioni de seti, in primas dexi.
S’indagu at pigau in cunsideru cincu arregionis: Ambienti, Aria, Abba, Mobilidadi e Aliga, donendu po dognuna de is puntus.
Dogan arregioni po si stagliat in atras, de is matas a is zonas aunia si podit andai feti a pei, de sa calidadi de s’aria a sa regorta diferentziada, passenduru po s’abba chi si perdit a sa calidadi de is trasportus e atras cosas puru.
Po cantu pertocat is atras citadis mannas de sa Sardigna, Nugoro est a sa positzioni de trintanoi, ma lompiat de cussa de otantanoi, in su mentris chi Tatari calat de cussa de sessantadus a cussa de otanta.
Màuru Mura
Lunis, su bintitres de mesi de ladamini de su 2023
Foto: https://www.ilpescara.it/attualita/rapporto-ecomafie-legambiente-2021html.html
