A innantis sa bataglia po intrai in s’Europa(Europa Leaugue e Conference Cup), de fatu cussa po su scudetu e a pustis cussa po non ci calai in Serie B.
Sa Lega de Serie A at decidiu is oras de s’urtima partida de campionau po ocannu, s’urtima sententzia dest propriu cussa chi riguardat su Casteddu de acanta.
Is piciocus de Agostini depint binciri in Venetzia e su spetu mannu est chi sa Salernitana non binciat in Salerno contras de s’Udinese, chi, arregodaus , a su campionau non tenit nudda de pediri, binciat o perdat. Mali de averas funt andadas is urtimas partidas po is sardus ma sa boccia est tutnda e totut podit ancora sussediri.
Is duas partidas, Venetzia-Cagliari e Salernitana-Udinese, s’ant a gogai a is noi oras de merì dominigu 22 de maju.
Un’ora a innantis sa sententzia po su scudetu, Milan e Inter ant a giogai a is ses de mericeddu, su Milan contras de su Sassuolo e sa scuadra de Inzaghi in Milano contras de sa Sampdoria.
Sabudu s’at a decidiri, invecias sa cursa po s’Europa, cun Atalanta, Lazio e Fiorentina chi ant gioai a sa propria ora contras s’Empoli, su Verona e sa Juventus- Sa Roma, chi depit giogai sa finali de Conference League, giogat a innantis de totus, cenarba, contras su Torino de Juric.
Miraosì, a dogna manera totu s’urtima giornada de campionau:
Cenarba 20 de maju a is noi oras mancu unu cuartu: Torino-Roma
Sabudu 21 de maju
A is cincu e unu cuartu: Genoa-Bologna
A is noi oras mancu unu cuartu: Atalanta-Empoli
A is noi oras mancu unu cuartu: Latzio-Verona
A is noi oras mancu unu cuartu: Fiorentina-Juventus
Dominigu 22 maju
A mesudì e mesu: Spetzia-Napoli
A is ses de merì: Inter -Sampdoria
A is ses de merì: Sassuolo-Milan
A is noi oras de merì: Salernitana- Udinese
A is noi oras de merì: Venetzia-Cagliari
Immoi su fueddu passat a su campu, chena atru de podiri nai.
17 de maju de su 2022
Màuru Mura
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”
Foto: https://it.wikipedia.org/wiki/Lega_Nazionale_Professionisti_Serie_A