Impestus de su Covid chi s’abbasciant in Sardigna aunia in is urtimas binticuatr’oras si funt mortus in cuatru. Con pagu de mancu de 3.500 tamponis fatus sa percetuali de posividadi est frima a su 22%.

Custu est su bulletinu de sa Regioni po lunis cuatru de arbili: “In Sardigna atrus 760 impestaus a su Covid (de custus 622 cun su tamponi antigenicus). Intru de tamponis molecolaris e antigenicus funt in totu 3.428 cussus fatus.

Un’atru intrat in sa terapia intensiva e imoi si ddue agatant in binticincu e atrus cuatru intrant in is atrus aposentus portendur su numuru in totu de 324 a 328.

30.519 funt cussus chi s’agatant incungiaus in domu, ca in 141 fut sanaus e podint bessiri

Is cuatro mortus funt tres ominis de sessantotu, setantacuatru e ortantun’annus chi biviant in sa citadi metropolitana de Casteddu e un’omini de setantanoi annus chi biviat in sa provincia de su Sud Sardigna.

Aspetendu unu vacinu po totu su mundu (is scentziaus funt studiendu ma su tempus est ancora longu) sa dosi de cuatru contras de su Covid si pensat non feti intru sa genti, poita est intrada in is pensamentus de su Guvernu.Su vacinu de cuatru caminat allestru in calencunu Stadu Europeu e finas foras de Europa. Su Guvernu at  decdiri a intru de una cida chi cumentzai cun is patzientis cun atras maladias o a totu is becius, si depit cumprendiri feti de cali idadi partiri. De sguru ci funt feti is fueddus de su ministru de sa Saludi Robertu Speranza chi at nau ca no at essi po totus.

Po contu de su cuartu vacinus, su Consigliu de is ministrus de sa Saludi de Bruxelles at fatu craresa: Speranza at nau ca “a s’acabu de una cida de tempus, sa comissaria Ue a sa Sanidadi, su presidenti Francesu ant a arrespundiri a is preguntas italianas”.

Atrus fueddus chi balint funt cussus de su diretori de su Cnr de Pavia, Giuanni Maga: Depeus scioberai a chini fairi su vacinu, ma de seguru no at essi po totus”.

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2020-2021 LR 22/2018, art. 22

 

 

Foto: https://www.regione.sardegna.it/j/v/2834?s=1&v=9&c=94253&na=1&n=8&c1=289&nodesc=1&ph=1