Non funt acabbadas galu ca giai si connoscit sa dì chi in Sardigna s’at a torrai a iscola po ocannu chi benit, su 2022/2023: in classi s’at a torrai su 14 de cabidanni chi benit po is scolas de dogna ordini e gradu de sa regioni e, feti po sa scola primaria e sa secondaria de primu e segundu gradu, ant acabbai su 10 de làmpadas de su 2023. Is iscolas de is pipius pru piticus invecias ant a serrai su 30 de làmpadas.

Invecias, a cumandai, comenti arregodat s’Assessori de sa Pubrica Istrutzioni Andria Biancareddu, po cantu pertocat is festividadids natzionalis e is esaminis est su Stadu.

Sa Scola depit tenni una durada de 200 dis e dognuna podit decidiri comenti si ddas giogai: si podit torrai finas una dì a innantis o acapiai dis de festa chi non torrant. Funt previdias 206 dis de letzions chi calant a 204 cun cussas dua chi tocat a si giogai.

Non c’at essi scola, comenti narat sa normativa statali, totu is dominigus, su primu de Sant’Andria, chi est sa dì de is santus, s’otu de Nadale, chi est sa di de sa Madonna, su 25 de Nadale, sa di chi est naciu Gesu Cristu, su 26 de Satu Stevini, su primu de gennargiu, su ses de gennargiu, lunis de fatu de Pasca manna, su 25 de arbili, su primu de maju, su 2 de Làmpadas, sa dì de su santu de is biddas.

In prus funt previdias finas su 2 de dognassanti po arregodai is mortus in gherra, is ferias de Paschigeda de su 23 a su 5 de gennargiu, festa de Carrasecare, su martis a innatis de sa cuaresima, festas de Pasca Manna cun tres dis a innantis de su dominigu e duas dis de fatu e, po nosu, su 28 de arbili, Sa Die de sa Sardigna.

A dispositzioni de dogna Consigliu duas dis, una chi sa Festa de su Santu de sa bidda calat in su tempus de scola.

Ma no est ancora tempus de ci pensai, immoi est, po dogna piciocu ora de si spassiai, ca giai ddu scieus ca ant essi dis chi no ant torrai mai prus.

 

 

22 de làmpadas de su 2022

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

 

Foto: https://ic1decimapersiceto.edu.it/inizio-anno-scolastico-2019-20/