Màriu Draghi, Olaf Scholz cun Emmanuel Macron funt in Kiev po rendiri visita a sa citadi de sa prima borta de canu est cumentzau totu su 24 de friargiu.
Is tres capus europeus, de fatu airi bistu Irpin, funt andaus a su palatzu presidentziali de Kiev po atobiai su presidenti Volodymyr Zelensky. “Seus benius po mandai unu messagiu de unidadi europea a tottu sa genti Ucraina. Unu messagiu de agiudu poita is cidas benidoras ant essi dificilis meda”, at nau Macron calendu de su trenu chi de sa Polonia ddu at portau a Kiev. Unu ‘iagi chi lompit in d’un’ora delicada meda, poita is russus sighint a godangiai terrenu, ponendu fogu, massimamenti, in su Donbass, cun is ucrainus sempiri prus stracus e ca s’aspetant un agiudu mannu prus che a totu in is armas.
In Irpin is tres “leaders” ant possiu biri cun is ogus proprius is orroris de sa guerra: “Teneis su mundu de sa parti bostra – at nau Draghi a is autoridadis castienduru cussu chi teniat a su costau – is russus ant sciopau asiilus e giogus po pipius, ma totu at essi torrau a ponni in peis”.
“Totu custu depit essiri bistu e connotu, a mala ‘orza, sa genti est stetia bocia in citadis diversas”, at sempiri nau Macron, gasendu s’eroismu de is ucrainus” e ponendu un’erriga a suta is fueddus de donai prus armas a su popolu po si difendiri de is atacus russus. Serit chi s’Ucraina sigat a resistiri e a binciri sa gherrra”. Su cancelieri Scholz at giai pigau s’impignu de agiuai s’Ucraina po totu su tempus chi serbit.
“Po cumentzai a chistionai comenti si depit is ucrainus tenint abisongiu de s’integridadi territoriali, at nau invecias Màriu Draghi a Zelensky. Po s’ora non si bit nudda, ma est cambiau, in is urtimus tempus, meda in is urtimas cidas, cun atrus Stadus prontus a si ponni a sa parti de is ucrainus”.
Giaia at essi lompia s’ora de dd’acabbai!
17 de làmpadas de su 2022
Màuru Mura
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”
Fotot: https://www.today.it/mondo/draghi-a-kiev-perche.html
