“Sa pesta no est ancora acabbada, feti poita imoiumperaus strumentus normalis” A ddu nai est su ministru de sa Saludi Robertu Speranza, chi in sa trasmissioni de sa’arradiu “Radio Anch’io” at fatu su puntu de is urtimas novidadis e is mesuras po andai contras sa pesta de su Covid bistu ca s’apretu de oi no esistit prus.

Is maschereddas in logus serraus, perou, “Funt galu de importu mannu poita su virus est ancora girendu in manera arta – at aciuntu -. In logus serraus funt de obrigu finas a su 30 de arbili: eus a biri coment’andat e in segus eus a pigai sa una decisioni, ma oi possu nai ca sa mascheredda est necessaria”. Non tocat a ponni a un’ala, at torrau a nai su ministru, ma abarrai “cun is peis in terra poita non c’est unu butoni “off” chi ndi sturit sa pesta. Sa pesta est galu bia”.

Po cussu chi pertocat su vadcinu de cuatru poi s becius, Speranza at nau de airi chistionau cun is atrus Stadus Europeus po un’organizatzioni: “Non tenit perunus sensu a arregionai dognunu cun sa conca sua. Mi parit ca m’ant potu menti, sa gida chi benit, a innantis de airi intendiu is espertus eus a decidiri comenti nosi moviri”.

A dogna manera, po Speranza, airi postu su Green pass at fatu sa diferentzia manna, po agatai s’Italia comenti una de is meglius in is percentualis de is vacinaus in Europa e in su mundu puru. Ci funt Stadus che s’Austria, sa Germania e s’Olanda aunia in is mesis passaus si funt intendius custrintus a torrai a serrai totu, de nos uno est sussediu, po mori ca eus postu s’obrigu de su Green Pass”.

Su certificau imoi no at essi obrigu po bessiri in is corrieras, in is autobus e in sa metropolitana, e abarrat s’obrigu, invecias, poi s aereus, is trenus e is navis, cun finas s’obrigu de si ponni in faci sa mascheredda Ffp2 po viagiai cun chinechisiat.

Imoi chi seus biendu sa lugi non torreus a goa.

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2020-2021 LR 22/2018, art. 22

 

 

Foto: https://www.fanpage.it/politica/il-ministro-speranza-prende-tempo-sulla-fine-dello-stato-di-emergenza-tra-due-mesi-si-vedra/