Est erribau su primu casu de coronavirus cinesa in Germania in sa regioni de sa Baviera. Ndi at chistionau su ministru de sa Saludi tedescu. “Un’omini de sa zona de Starnberg nd’at boddiu su virus e ddu eus postu in isolamentu po ddu fairi controllai beni de is dotoris”, ant fatu sciri de su ministeru. Su infetu iat a parri in bonas petzas e is parentis funt stetius avertius de cussu chi sucedit chi ndi boddit sa maladia e de cussu chi tocat a fairi igienicamenti. Su ministeru no at nau de prus e no at fatu sciri aunia s’omini si podit essiri infetau. Sa Germania est su segundu stadu europeu corpiu de su virus, a pustis is tres ominis in Francia.
In su mentris funt centu e ses is mortus de de custus centu in sa sola provincia de Hubei, in Cina e prus o mancu cuatrumilaecincucentus is infetaus in totu sa Cina. De custus cuasi milli funt postus mali.
Foto: https://www.ilpost.it/2020/01/27/nuovo-coronavirus-2019-ncov-cina/
