Un’atra dì chena perunu impestu e chena perunu mortu in Sardigna de Coronavirus. Ancora non si podit festai ma dogna dì chi passat est sempiri meglius. In totu funt 1363 cussus chi si scinti s impestaus de candu est incumentzau totu a sa fini de friargiu. Is tamponis fatus, invecias, funt erribaus a 69.134.

Is malaidus chi s’agatant in ispidalis, in totu s’Isula, funt 12, manc’unu de custus est in terapia intensiva. Cussus chi s’agatant, invecias, incungiaus in domu funt calaus a 21. Sempiri de sa fini de friargiu cussus sanaus funt 1.179 e tocat a ddue aciungiri finas 19 sanaus in totu. Abarrat sempiri su matessi su numuru de is mortus: 132 in totu. In su territoriu, is 1.363 impestaus, funt aici dividius: 252 in sa Citadi metropolitana de Casteddu, 98 in sa provincia de su Sud Sardigna, 59 in cussa de Aristanis, 79 in cussa de Nugoro e 875 in cussa de Tatari.

 

 

Foto: https://www.ansa.it/sardegna/notizie/2020/06/08/coronavirus-nessun-contagio-e-zero-decessi-in-sardegna_bcaffa3f-776e-4854-b772-4bec6123149c.html