Gianmarco Pozzecco abarrat comenti allenadori de sa Dinamo Banco di Sassari po s’annu chi benit puru. Totus creiant chi Sardara, su presidenti de sa sociedadi tataresa, e Pozzecco iant certau, invecias no est aici. C’at de nai, a dogna manera, chi si podiat fairi prus craresa e in is giorronalis pariat aberu ca fut erribada sa fini de sa storia. Ma aici no est e sa Dinamo cun Pozzecco andant a innanti paris. “Una meca de catzadas”, narat Sardara de totu cussu chi ant scritu. “Nosi seus setzius po biri eita si podiat fairi, de s’incumentzu nosi dd’iaus impromintiu de nosi setziri dogna tanti”, at sighiu su presidenti. “Eus nau can osi fustis fueddendu po su benidori – narant s’unu e s’atru – ma non si fustis scudendu is pratus in pissu, comenti eus ligiu in is giorronalis”. “Dognunu po sa strada sua? At a capitai – narat Pozzecco – ma po s’ora non di fustis chistionendu”. Su presidenti est nieddu: “Tocat a tenni arrespetu po su trabagliu de is atrus, chen ponni in giru bogis fartzas. Est normali chi dus si chistionint, chi iat agatau atrus dus, e non a mei cun Gianmarco, s’erriscu fut ca dognunu si ndi fut andau po un’atra strada. Soi cunvintu ca totu custu sa Dinamo nd’at a bessiri prus forti de prima”.

 

 

Foto: https://www.basketmarche.it/2020/06/14/serie-/dinamo-sassari-clamorosa-separazione-vista-coach-gianmarco-pozzecco/69402